އިންޓަރނޭޝަނަލް ސޯޝަލް ސެކިއުރިޓީ އެސޯސިއޭޝަން (އިސާ) ގެ ގުޑް ޕްރެކްޓިސް އެވޯރޑް ފޯ އޭޝިއާ އެންޑް ދަ ޕެސިފިކް ކޮމްޕެޓިޝަންގައި ޕެންޝަން އޮފީހަށް ފާހަގަކޮށްލެވޭ ކާމިޔާބީތަކެއް ލިބިއްޖެއެވެ. އެގޮތުން މި މުބާރާތަށް ޕެންޝަން އޮފީހުން ހުށަހެޅި ހުރިހާ ހުށަހެޅުމެއްވެސް ވަނީ ބަލައިގަނެފައެވެ. މިގޮތުން އަންނަނިވި ކާމިޔާބީތައް ޕެންޝަން އޮފީހަށް ލިބިފައިވެއެވެ.

ސެޓްފިކެޓް އޮފް މެރިޓް ވިތް ސްޕެޝަލް މެންޝަން:

• އެޑެޕްޓިވް ސްޓްރެޓެޖީސް އާ ގުޅޭ ހުށަހެޅުމަށް

ސެޓްފިކެޓް އޮފް މެރިޓް:

• އެމް.އާރް.ޕީ.އެސް ކޮންޓްރިބިއުޝަން ކަލެކްޝަން އެންޑް ރިކޮންސިލިއޭޝަން ޕްރޮސެސް އާ ގުޅޭ ހުށަހެޅުމަށް

• ޑެތް އިންފޮމޭޝަން ކަލެކްޝަން ޕްރޮސެސް އާ ގުޅޭ ހުށަހެޅުމަށް

• އެމްޕްލޯޔަރ ރެޖިސްޓްރޭޝަން ޕްރޮސެސް އާ ގުޅޭ ހުށަހެޅުމަށް

• މައިގްރޭޝަން އޮފް އައި.ޓީ އިންފްރަރސްޓްރަކްޗަރ ޓު ދަ ކްލައުޑް އާ ގުޅޭ ހުށަހެޅުމަށް

އެޓެސްޓޭޝަން:

• ހައިބްރިޑް ކޮމިއުނިކޭޝަން އާ ގުޅޭ ހުށަހެޅުމަށް

މި ކާމިޔާބީތަކުގެ ތެރެއިން ސެޓްފިކެޓް އޮފް މެރިޓް ވިތް ސްޕެޝަލް މެންޝަން ހަވާލުކުރެވިފައިވަނީ 3 – 5 ޑިސެންބަރާއި ހަމަޔަށް ރިޔާދުގައި ކުރިޔަށްދާ ރީޖަނަލް ސޯޝަލް ސެކިއުރިޓީ ފޯރަމް ފޯ އޭޝިއާ އެންޑް ދަ ޕެސިފިކް ފޯރަމްގެ އިނާމު ދިނުމުގެ ހަފްލާގައެވެ.

އިސާ ގުޑް ޕްރެކްޓިސް އެވޯޑަކީ ސޯޝަލް ޕްރޮޓެކްޝަން ދާއިރާގައި ހަރަކާތްތެރިވާ މުވައްސަސާތަކުގެ މަސައްކަތްތައް ފުރިހަމަޔަށް އަދާކުރުމަށް ބޭނުންވާ ބެސްޓް ޕްރެކްޓިސް ކަނޑައެޅުމާއި އެކަންކަން މެންބަރުންގެ މެދުގައި ކުރިއެރުވުމެވެ.