ދިވެހިރާއްޖޭގެ ޤައުމީ ޔުނިވަރސިޓީގެ (އެމް.އެން.ޔޫ) ބިޒްނަސް ސްކޫލުގެ ދަރިވަރުނަށް މަޢުލޫމާތު ދިނުމުގެ ސެޝަނެއް ޕެންޝަން އޮފީހުން ބާއްވައިފިއެވެ.

28 އޮގަސްޓް 2025 ވަނަ ދުވަހު ބޭއްވުނު މި ސެޝަންގައި ދަރިވަރުނަށް ވަނީ ތަފާތު ހަރަކާތްތަކާއި މަޝްވަރާގެ ތެރެއިން މައުލޫމާތު ފޯރުކޮށްދީފައެވެ. މި ސެޝަންގައި އަލިއަޅުވައިލެވުނު މުހިންމު މައުޟޫއުތަކުގެ ތެރޭގައި ދުރާލާ ރިޓަޔަރމަންޓަށް ތައްޔާރުވުމާ، އިންވެސްޓްކުރުމާ ގުޅޭ މަޢުލޫމާތާއި، މޯލްޑިވްސް ރިޓަޔަރމަންޓް ޕެންޝަން ސްކީމް (އެމް.އާރް.ޕީ.އެސް) އާ ބެހޭ މަޢުލޫމާތު ހިމެނެއެވެ. މީގެ އިތުރުން، އެމް.އާރް.ޕީ.އެސް އިންވެސްޓްމަންޓްތަކާއި، ޕެންޝަން އޮފީހާއި ބެހޭ މުހިންމު މައުލޫމާތުވެސް މި ސެޝަންގައި ވަނީ ފޯރުކޮށްދީފައެވެ.

މި ސެޝަނަކީ ޒުވާނުންގެ މެދުގައި ރިޓަޔަރމަންޓަށް ތައްޔާރުވުމުގެ މުހިންމުކަމާއި، ދިވެހި ރާއްޖޭގެ ޕެންޝަން ނިޒާމާއި ބެހޭ ހޭލުންތެރިކަން އިތުރުކޮށް މަޢުލޫމާތު ފޯރުކޮށްދިނުމަށް ޕެންޝަން އޮފީހުން ކުރަމުން އަންނަ މަސައްކަތުގެ ތެރެއިންނެވެ.