އެމް.އާރު.ޕީ.އެސް ހިންގުމުގެ ހަރަދުތައް ހަމަޖެއްސުމަށްޓަކައި ސްކީމުގެ ބައިވެރިންގެ އަތުން އިދާރީ ފީ އެއް ނަގައެވެ. ސްކީމު ހިންގުމުގެ ހަރަދު ތަކުގެ ތެރޭގައި ހިސާބު ބެލެހެއްޓުމުގެ ހަރަދާއި، އިންވެސްޓް ކުރުމުގެ ކަންކަމަށްދާ ހަރަދާއި، މާލީގޮތުން ކުރެވޭ މުއާމަލާތް ތަކާގުޅިގެން ހިނގާ ހަރަދާއި، ކަސްޓޯޑިއަންގެ ހަރަދާއި، އޮޑިޓް ކުރުމާއި، އަދި އެފަދަ އެހެނިހެން ހަރަދުތައް ހިމެނެއެވެ.

2024 ވަނަ އަހަރުގެ ޖެނުއަރީ 1 ވަނަ ދުވަހުން ފެށިގެން ޕްރީ ރިޓަޔަރމަންޓް ފަންޑުން އިދާރީ ފީގެ ގޮތުގައި ނަގާނީ އަހަަރަކު 0.5 އިންސައްތަ އެވެ. އަދި ޕޯސްޓް ރިޓަޔަރމަންޓް ފަންޑުން އިދާރީ ފީގެ ގޮތުގައި ނަގާނީ އަހަރަކު 0.3 އިންސައްތަ އެވެ.